【婚禮攝影101】 婚禮18個影到更多靚相注意貼士
Updated: Apr 5, 2019
注意貼士 1：
新娘子及媽咪最好能夠準時完成化妝set頭，萬一如果姊妹多化妝 over run，都可以先拍攝新娘子以及同媽咪着裙褂嘅相片
注意貼士 2：
把當日統籌的事項交比一至兩個姊妹，咁樣就可以令到新人更加投入當日Big Day拍攝
注意貼士 3：
之前預先傾好咗開門利是，萬一姊妹們唔開心就唔係幾好啦
注意貼士 4：
玩兄弟遊戲盡量避免亂咁飲食嘅遊戲，曾經有個新郎因為遊戲食得太犀利之後， 影響咗註冊的表現
注意貼士 5:
準備紅色繩綁係金器或者透明膠紙黐住金器開口的位置，以防金器鬆脫跌左
注意貼士 6:
準備斟茶次序名單，因為有時長輩們介意先後次序!
注意貼士 7：
中午外景拍攝記住問清楚婚紗公司你租的婚紗是否可以外景拍攝，如果有什麼損壞有可能要賠償很多
注意貼士 8：
註冊儀式方面如果有小朋友或姊妹先進場，建議新娘子與父親同佢地起碼有10尺嘅空間距離，因為你們距離與你們太接近，有機會比佢哋阻擋拍攝，享受成為全場主角既感覺
注意貼士 9:
如果註冊儀式在教堂進行，而是自己進行裝飾，記住問清楚教堂要求準則，萬一破壞左他們的物件好大件事的
注意貼士 10：
註冊儀式比大家三個口訣: 1. 慢動作 2. 眼神交流 3. 整齊 意思係進場時候慢慢行慢慢享受做主角嘅滋味與嘉賓與新郎多啲眼神接觸，千萬儘量不要望地下讀誓詞，交換戒指，揭頭紗時候係慢動作，營造甜蜜的時刻. 新郎記住揭頭紗時候把頭紗整齊放在新娘子背後及蓋上手臂
注意貼士 11：
提醒司儀叫嘉賓不要在新人進場路中心或把手機伸出路中心拍攝你們進場，因為一定會阻到我們拍攝
注意貼士 12：
如果註冊儀式係室外的話而你，又驚嘉賓比太陽曬得太利害你可以準備一系列的雨傘咁樣就算佢哋開雨傘影上去都唔會太難睇，當然最好唔好打開雨傘啦!
注意貼士 13：
註冊儀式時候, 可以考慮把簽紙枱先放在側邊，咁樣就唔會因為張枱遮住咗一個可能你用咗好多心機設計的背景！因為有張枱有張凳令到背景好混亂令到效果唔好!
注意貼士 14：
最好四點半到晚宴場地作準備, 新娘子轉妝，工作人員剪接早拍晚播，兄弟新郎跟進場地
注意貼士 15：
如果場地Spotlight不是放到很高位置則不建議嘉賓站起來歡迎你們入場，因為會阻擋你嘅入場燈光，影響video拍攝效果
注意貼士 16：
安排嘉賓左上右落拍攝團體照，咁樣就會更加順暢，影更加多相，與此同時唔會阻礙中間拍攝團隊，亦都可以麻煩司儀安排嘉賓拍攝次序
注意貼士 17:
晚宴兩圍主家席枱，盡量與舞台有起碼五至10尺距離距離，因為好多時候影超級大合照的時候枱舞台距離太近，我們有機會也會把主家席枱等也拍攝進入相片中
注意貼士 18:
當日婚禮兄弟姊妹是非常重要的，所以我非常建議同佢哋一齊睇當日的早拍晚播，一齊比攝影師拍低開心的笑容
